Jæja, nú erum við á fullu í að reyna að leggja lokahönd á verkefnið okkar. Það stefnir í það að við náum alveg að klára þetta, en það þýðir samt ekki að slaka á fyrr en við erum alveg búin.
Mamma og pabbi komu suður í fyrradag og þegar þau komu fór ég með þeim á tónleika með Breiðfirðingakórnum í Fella- og Hólakirkju(ef ég man rétt) og það var alveg ágætis skemmtun. Ég get ekki sagt að ég hafi þekkt öll lögin en samt var þetta fínt.
Í gær voru Njáll og Heiða að kaupa körfuboltaspjald og það var eytt dágóðum tíma í að prófa það í gær. Það var mjög gaman, það var komið mjög langt síðan ég hef spilað körfubolta... og í raun frekar langt síðan ég hreyfði mig eitthvað.
Reyndar var eitt slæmt við körfuboltann í gær, það var að ég fékk bolta svona skemmtilega framan á baugfingur vinstri handar og er ennþá með smáverk í honum...
Annars er lítið að frétta af mér nema það að mestur tími manns fer í verkefnavinnu þessa dagana.
Ég ætla að reyna að vera duglegri að blogga á næstunni... ég segi þetta reyndar alltaf en ég ætla samt að reyna að vera duglegur.
Gísli Freyr, tengillinn þinn er kominn hér til hliðar...

Jæja, verkefnavinnan heldur áfram og gengur ágætlega. Ég verð að segja að mér finnst þetta bara mjög skemmtilegt að vera að vinna í svona verkefni í staðinn fyrir að vera í fyrirlestrum. Ég er mjög ánægður með hópinn sem ég er í og við náum mjög vel saman. Það er talsvert mikið hlegið og mikið fjör.
En annars er lítið að frétta af mér. Ég er nýlega kominn heim úr bænum og var að koma úr sturtu.
Núna er farið að styttast í það að ég fari norður í sumarfrí. Ég keyri norður föstudaginn 19. maí þannig að það eru bara 16 dagar þangað til.
En ég nenni ekki að hafa þetta lengra í bili. Ég vil fá mikið af kommentum núna. Allir að skrifa eitthvað.
Og fyrir þá sem hafa ekki hugmynd um hvað þeir eiga að skrifa þá skulu þeir líta til hægri og skrifa það fyrsta sem þeir sjá þar
Og að sjálfsögðu þeir sem hafa ekki skrifað í gestabókina að drífa sig í því að kvitta þar.

Jæja, rétt áðan voru Chelsea menn að tryggja sér Englandsmeistaratitilinn í fótbolta. Ég er að sjálfsögðu ekki ánægður með það en það er svo sem lítið við því að segja. Þeir eru einfaldlega besta liðið á Englandi í dag og áttu þetta fylliilega skilið. En mínir menn koma bara sterkari til leiks á næsta ári...
Við ákváðum að taka okkur helgarfrí frá verkefninu og mætum eldhress á mánudaginn þrátt fyrir það að það sé 1. maí.
Annars er nú ekki margt að frétta af mér. Dagarnir í síðustu viku voru eiginlega allir eins. Ég hitti reyndar aðeins á Finn og Friðgeir á fimmtudeginum en það var nánast eina tilbreytingin.
Keflavík tryggði sér í gær sæti í úrslitum deildarbikarsins. Núna er bara spurning hvort ég verði ekki að mæta á leikinn til að tryggja það að þeir vinni þetta
Ég held ég hafi þetta ekki lengra í bili.
Ég vil enda þetta á að óska Jóa til hamingju með afmælið í dag!!!

Sæl verið þið

Síðustu tveir dagar hafa verið frekar svipaðir hjá mér. Í gær fór ég í bæinn klukkan 8 og hitti hópinn minn og var að vinna í verkefninu til ca. 16 og fór þá heim, borðaði og horfði á undanúrslitin í Meistaradeildinni. Þar horfði ég á liðið mitt í keppninni(eftir að Man Utd datt út) detta út Síðan eftir það horfði ég bara á DVD mynd og fór síðan að sofa.
Dagurinn í dag var eiginlega nákvæmlega eins. Ég fór í bæinn klukkan 8 og var að vinna í verkefninu til ca. 16 og fór þá heim, borðaði og var að klára að horfa á Barcelona komast í úrslitin í Meistaradeildinni. Núna er ég einmitt að spá í að fara að skella DVD disk í tækið og fara að horfa á einhverja mynd.

Reyndar var ég agalega duglegur áðan. Ég tók af snúrunni og setti síðan í þvottavél. Síðan vaskaði ég upp og gekk frá því öllu. Síðan tók ég úr vélinni og hengdi upp og setti síðan í aðra vél Ég er gríðarlega stoltur af mér...

En ég er að spá í að fara að horfa á Mission impossible núna þannig að ég bið bara að heilsa í bili.
Endilega allir að skrifa eitthvað í komment. Ég er farinn að halda að það skoði enginn þessa síðu...

Í dag byrjaði fyrsta vinnuvikan í lokaverkefninu í stofnun fyrirtækja. Við hittumst og fórum aðeins betur yfir stöðu mála en þar sem tveir úr hópnum voru forfallaðir ákváðum við að hafa þetta frekar stuttan dag í dag en dagurinn á morgun verður lengri. Við ætlum að hittast í fyrramálið og vera allan daginn. Við reynum að vera rosalega duglega að koma okkur af stað því eins og sagt er: Hálfnað verk þá hafið er...
En annars eru mamma og pabbi að fara að leggja af stað norður á morgun og þá verð ég orðinn einn eftir í íbúðinni, en það verður reyndar bara í tæpar 4 vikur því ég mun líklega koma heim þann 19. maí næstkomandi.
Það verður líklega svolítið skrýtið að vera aleinn í íbúðinni í næstum 4 vikur en það verður nú reyndar nóg að gera í skólanum þannig að ég á kannski ekki eftir að taka svo mikið eftir því að ég sé svona einn.
Ég held ég láti þetta nægja í bili.

Endilega ALLIR að skrifa í gestabókina!!!

Góðan dag

Ég vil biðja alla um að skilja eftir sig smá kveðju í gestabókinni. Ég vil vita hvort að það séu eitthvað margir að skoða þetta eða hvort að það séu bara alltaf þeir sömu og einhverjir voðalega fáir. Og síðan er um að gera að skilja eftir sig smá komment.
En annars skrapp ég í dag til Reykjavíkur til að hitta hópinn minn í stofnun fyrirtækja og það gekk alveg ágætlega. Við vorum bara að fara yfir það sem þarf að gera í verkefninu. Síðan á morgun er kominn tími á að byrja af krafti í þessu verkefni.

Jói fór með mér til Reykjavíkur og hann beið í Kringlunni á meðan ég hitti hópinn. Síðan eftir fundinn ákváðum við að skreppa í keilu. Mér var ekki að ganga neitt sérstaklega vel en ég vann samt Jóa nokkuð sannfærandi.
Eftir að ég kom heim úr bænum hef ég bara borðað og setið síðan og horft á sjónvarp og verið í tölvunni og líklega verður kvöldið bara þannig.

Jæja, þetta er nóg í bili. Allir að muna eftir gestabókinni og kommentunum. Ég reyni að vera duglegur að blogga áfram.
Over and out...

Jæja, þá ætlar maður sér að prófa þetta bloggkerfi. Ég var ekki alveg nógu ánægður með það að þeir hjá blog.central.is hafi krafist þess að allir færu yfir í minnsirkus. Það er allt í lagi að benda fólki á þetta en það er nú frekar slæmt þegar fólk getur ekki sleppt því að fara í minnsirkus og verið áfram á blog.central.is þannig að ég ákvað bara að fara frekar af þessu kerfi og prófa þetta kerfi hérna. Ég var aðeins spenntari fyrir útlitinu á þessu heldur en þessu minnsirkus.
Annars er páskafríið mitt að verða búið. Ég er að fara að hitta hópinn minn í stofnun fyrirtækja á morgun. Þá förum við aðeins yfir málin áður en þetta byrjar af krafti á mánudag. Þá tekur við 3 vikna stanslaus vinna í þessu verkefni. Og síðan er komið sumarfrí
Arna Rún var hérna fyrir sunnan um páskana og það var rosalega gaman að hafa hana hérna.
Ég ætla að reyna að vera talsvert duglegri að blogga hérna en ég var á blog.central.is en ég lofa samt engu. Ég verð allavega duglegri en ég var undir lokin á hinni síðunni.
En ég ætla að segja þetta gott í bili. Endilega allir að skrifa eitthvað í athugasemdir þannig að ég viti hvort að það séu einhverjir sem vita af þessari síðu. Og að sjálfsögðu ALLIR að skilja eftir kveðju í gestabókinni.